Ardit Kërtusha, ish-kandidat për kryetar të PS-së në qarkun e Durrësit, i ftuar në studion e lajmeve të Fax News ka komentuar fushatën që do të zhvillohet në qytetin bregdetar, ku pritet të garojë dhe vetë kryeministri Edi Rama.
Sipas Kërtushës LSI në qarkun e Durrësit është në nivelet e saj më të ulëta që prej daljes më vete si parti politike, ndërsa parashikoi që socialistët të marrin një mandat të tretë qeverisës në Prill.
“Fjalia e Ramës se i kishte një borxh Durrësit, lë shumë vend për diskutim.
Të gjitha partitë e shohin Durrësin si një lumë votash, borxhi që thotë Rama nuk është dhe aq sporadik.
Afrimi i zotit Koka tregon se situata në këtë qark lë për të dëshiruar, tregon që partia po i shtrin dorën gjithkujt për të forcuar pozitat.
LSI është drejt shkrirjes në Durrës ka struktura pothuajse inekzistente në qytetin e Durrësit, pasi me largimin e Kokës, gjendja është jashtëzakonisht shumë e keqe.
Vetëm nga Bashkitë PS do të marrë mandate deputetësh, halli më i madh i PD-së është se kush do të jetë pasuesi i Lulzim Bashës pasi fati i zgjedhjeve është vendosur.
LSI sot që flasim nuk ka struktura, pasi e kanë fokusuar drejtimin te një person i vetëm, LSI është duke vuajtur këtë e parë”, tha Kërtusha.
g.kosovari
