Ambasada e Shteteve të Bashkuara të Amerikës në Tiranë paralajmëron sërish qytetarët të cilët kanë aplikuar për lotarinë amerikane, që të mos bien pre e mashtruesve. Ambasada ka zgjedhur ta ilustrojë këtë mesazh përmes disa karikaturave, ku një person, në rolin e sekserit ofrohet si garant për të shpallur fitues të lotarisë një qytetare. Jo rastësisht, ambasada e SHBA ka zgjedhur Korçën për të përcjellë këtë mesazh, i cili është qyteti me numrin më të madh të fituesve të lotarisë.
“Sa më pëlqen Korça! Jam kënaqur gjatë vizitës që Kenny dhe unë bëmë javën e kaluar – madje, siç e shihni më poshtë, mbaruam edhe disa punë konsullore gjatë fundjavës. Dhe shihni se si Kenny trembi një mashtrues vizash! Si zakonisht, me kënaqësi do të lexoj pyetjet tuaja për vizat dhe çështje të tjera; tani jam ulur në tavolinën time dhe jam gati t’ju përgjigjem sot nga ora 14:00- 16:30 dhe përgjatë javës sipas kohës që do të kem në dispozicion. Ju lutem pëlqejeni dhe shpërndajeni këtë postim nëse aventurat e mia po ju zbavisin!”.
