“Loro Boriçi” i Shkodrës do të jetë stadiumi ku Kosova do të zhvillojë ndeshjen e parë zyrtare si anëtare e FIFA-s, kundër Kroacisë, për kualifikueset e kampionatit botëror Rusi 2018.
Lajmi është bërë i ditur nga sekretari i përgjithshëm i Federatës së Futbollit të Kosovës, Eroll Salihu.
Në Prishtinë ka nisur ndërkaq ndërtimi i stadiumit të ri.
“Kosova do t’i luajë ndeshjet si skuadër pritëse në një prej stadiumeve në Shqipëri, deri sa të kryhen punimet në stadiumin e Prishtinës. Ndeshjen e parë, me Kroacinë, do ta luajmë më 6 tetor në Shkodër”, tha Salihu për “Tribuna Channel”.
Kosova i nis eliminatoret në transfertë, kundër Finlandës.
Psport/d.i.
