Lorik Cana ka lënë përsëri të kuptohet se pas finaleve të Euro 2016 do të largohet nga kombëtarja, edhe pse nuk është shprehur i sigurt. I intervistuar nga Panorama Sport, kapiteni i Shqipërisë thotë se skuadra kuqezi ka mjaft të rinj të talentuar që do të bëjnë të mos ndihet mungesa.
“Unë kam pasur nderin që të jem kapiten i këtij brezi dhe të jap sa më shumë nga përvoja ime për lojtarë si Ajeti apo Gjimshiti që do të jenë e ardhmja e Kombëtares. Pas Europianit, do të marr disa ditë pushime përpara se të ndërmarr një vendim të konsultuar edhe me familjen time se çfarë do të bëj”, thotë kapiteni.
“E rëndësishme është që të bëjmë një paraqitje sa më të mirë në një Europian që do të jetë fantastik për të gjithë shqiptarët dhe më pas e ardhmja e skuadrës është e garantuar”.
