Traineri Julen Lopetegui ka insistuar se Gerard Pique mbetet “pjesë e shpirtit të Spanjës”, përkundër përkrahjes që mbrotjësi i ka dhënë pavarësisë së Katalunisë.
Pique u ka bërë thirrje që të votojnë për pavarësi në referendumin e së dielës, por Lopetegui e ka bërë të qartë se lojtarët do të vlerësohen në bazë të performancës në fushë dhe jo sipas bindjeve politike.“Pique?
Dua të përqendrohet në lojërat dhe kualifikimin tonë”, ka thënë përzgjedhësi spanjoll në konferencën për media para ndeshjeve me Shqipërinë dhe Izraelit.
“Disa sportistë kanë folur për këtë çështje, por unë gjykoj lojtarët e mi në bazë të performancës dhe sjelljes në fushë. Nuk kam dyshime për Gerardin. Ai do të stërvitet me ne dhe do të jetë pjesë e ekipit tonë”, ka shtuar ai.
“Realiteti im është sporti dhe Gerardi është pjesë e shpirtit të përfaqësueses spanjolle. Nuk ka dyshim për këtë. Nuk do të lejojmë askënd dhe asgjë që të na ndajë. (b.an)
