Bashkimi Europian ka humbur një vend me peshë në bilancin e saj me fitoren e “Leave” në referendumin britanik dhe në vijimësi daljen e Mbretërisë së Bashkuar nga orbita e BE-së.
Departamenti i bizneseve artizanale të vogla, ka përllogaritur që mes viteve 2000 dhe 2014, Londra ka dhënë drejt Brukselit 186.5 miliardë euro: Brukseli, sipas shpenzimeve të administratës, i ka kthyer Londrës 102.6 miliardë euro.
Bilanci mes të tjerash, ishte 83.9 miliardë euro, i barabartë me një mesatare vjetore prej 5.5 miliardë euro në 15 vitet e fundit. Më shumë nga të ardhurat e Britanisë, kanë dhënë gjermanët e Angela Merkelit, më “bujarët” e Kontinentit të Vjetër, citohet Express.
Nga bilanci i Bashkimit Europian, që në 2014-ën ishte 142.6 miliardë euro, del se kontributi i disbursuar nga Mbretëria e Madhe, pavarësisht nga rimbursimi prej 6 miliardë euro “i rrëmbyer” nga Londra nga marrëveshjet e nënshkruara me Brukselin, ka qenë 11,3 miliardë euro.
Në bazë të rezultateve të referendumit pro daljes nga BE-ja, tani ndodh që marrëveshjet e daljes së Mbretërisë së Bashkuar nga BE, duhet të ratifikohen brenda 2 vjetësh. Në këtë periudhë, duhet të përcaktohen edhe modalitetet operative dhe ekonomike. (b.an)
