Carlo Ancelotti u shkarkua mbrëmjen e kaluar nga Napoli, me trajnerin italian që ishte pjesë e napolitanëve për 2 vite. Largimi i tij ka lënë një boshllëk të madh te lojtarët, të cilët kanë bërë dedikime prekëse në rrjetet e tyre sociale. Më poshtë, ju kemi sjellë disa prej tyre.
Insigne: Faleminderit Mister, ishte një nder të punoje me ty dhe me stafin tënd. Në këto dy vite kam njohur një person special. Të uroj më të mirat!
Luperto: Do të jem gjithnjë mirënjohës për besimin që ke treguar. Në sport, ashtu si në jetë, ka diçka shtesë që të ndihmon të luftosh dhe mos të heqësh dorë kurrë. Faleminderi Mister që më ke dhënë kaq shumë, më ke ndihmuar të rritem si lojtar dhe si njeri. Të uroj fat ty dhe stafit tënd. Burra seriozë dhe profesionale deri në minutën e fundit. Ishte një nder dhe privilegj të qëndrojë krah teje dhe të mësoje nga ty. Faleminderit me zemër.
Meret: Ishte një nder dhe privilegj të stërvitesh nga një trajner si ti. Faleminderit për të gjithë që na ke transmetuar dhe që më ke bërë të rritem si futbollist dhe si njeri. Të uroj shumë shumë fat për të ardhmen, ty dhe stafin tënd.
Di Lorenzo: Më dhatë besim, më bëre që të rritem, gjithashtu më bërë të debutoj në Champions League dhe më ndihmove që të arrij Kombëtaren! Të falënderoj për të gjitha mister dhe të uroj më të mirat!
Lozano: Asgjë nuk vjen rastësisht. Njerëzit hyjnë në jetën tënde për një arsye, për pak ose për të gjithë jetën! Falënderoj futbollin që më dha mundësinë t’iu njoh dhe të mësoj prej jush. Ju uroj shumë suksese!
Koulibaly: Një person i mrekullueshëm dhe profesionist në radhë të parë. Ishte privilegj të punoje me ju. Të falenderoj Mister.
Fabian Ruiz: Faleminderit për gjithçka që keni bërë. Jeni një person special për mua. Të uroj më të mirat, sepse ti i meriton, Një përqafim i fortë dhe fat të mbarë.
Manolas: Faleminderit me zemër për gjithçka që keni bërë për mua dhe Napolin. Ishte një nder për mua që kam pasur një trajner si ti. Të ruoj shumë fat ty dhe stafit dhe shpresoj të keni më të mirat, pasi i meritoni!
Allan: Më shumë se sa trajner, ju ishit një person special! Ju falenderoj për gjithccka që keni bërë. Të uroj shumë fat ty dhe stafit tënd.
Napoli shkarkoi mbrëmjen e kaluar Carlo Ancelottin nga drejtimi i ekipit, me postin e trajnerit që do të kalojë te Genaro Gatusso. Tashmë, kur aventura e Ancelottit është mbyllur, është zbuluar dhe një prapaskenë e bujshme.
Gianluca Di Marzio ka rrëfyer se shkarkimi i Ancelottit ishte përgatitur që përpara 6 muajsh, me presidentin De Laurentiis që dëshironte një tjetër trajner në krye të ekipit të tij. Bëhet fjalë për Gian Piero Gasperinin.
