Ngritja e Sistemit Qendror për monitorimin online të lojërave të fatit në vend do t’i besohet një operatori privat. Por, të gjitha subjektet e interesuar për të marrë pjesë këtë garë, Ministria e Financave vendosi të shtyjë afatin e paraqitjes së ofertave për këtë procedurë.
Kështu sipas njoftimit zyrtar të këtij dikasteri, afati për paraqitjen e ofertave referuar njoftimit të Kontratës dhe Dokumenteve të Procedurës Konkurruese: Ishte: Datë 12/01/2017, ora 11.00. Bëhet: Datë 23/01/2017, ora 11.00. Ky njoftim iu është bërë me dije menjëherë palëve të interesuara që kanë blerë dokumentacionin e procedurës konkurruese. Vetëm pak muaj më parë qeveria vendosi që ky sistem ti kalojë për monitorim një subjekti privat.
Sipas vendimit, operatori, që ndërton këtë sistem, kryen edhe procesin e shfrytëzimit e të mirëmbajtjes së tij duke garantuar procesin e monitorimit online të të dhënave që do të përdoren nga Autoriteti i Mbikëqyrjes së Lojërave të Fatit (AMLF).
Operatori merr vlerën e investimit nga tarifa që do të paguajnë shoqëritë e licensuara të lojërave të fatit për shfrytëzimin dhe mirëmbajtjen e sistemit. Operatori ka si detyrim të garantojë mirëmbajtjen dhe mirëfunksionimin e sistemit nga çdo defekt në Sistemin Qendror të Monitorimit Online. Por ky vendim nuk ishte i vetmi për këtë sektor. Në fund të vitit të kaluar Kuvendi shtyu me dy vjet afatin e zhvendosjes së lojërave të fatit.
ma.me
