Manifesti origjinal i Lojërave Olimpike, i shkruar nga Pierre de Coubertin, u shit në ankand për 8,8 milionë dollarë.
”Dorëshkrimi prej 14 faqesh, i vlerësuar para ankandit në një milion dollarë, e shumëzoi vlerën e tij me gati nëntë herë, pas vetëm 12 minutash ankand, duke u bërë kështu suveniri sportiv më i shtrenjtë në histori”, njoftoi shtëpia e ankandeve “Sotheby’s”.
Manifesti është kopja e vetme e njohur e fjalimit të bërë nga aristokrati francez në Paris, në vitin 1892, në të cilin ai propozoi të ringjalleshin Lojërat e lashta Olimpike, në emër të ndikimit pozitiv të veprimtarisë sportive mbi individët dhe shoqërinë.
Dy vjet më vonë, Pierre de Coubertin themeloi Komitetin Olimpik Ndërkombëtar dhe Lojërat e para Olimpike u mbajtën në vitin 1896, në Athinë, pergatiti Tema.
