Ministri i Brendshëm Sandër Lleshaj priti sot në takim, ambasadoren e re amerikane, Yuri Kim.
Ai vlerëson partneritetin me SHBA, duke e cilësuar gjithmonë në krahë të përparimit të vendit.
“Me kënaqësi prita dhe takova sot ambasadoren e re të SHBA në Shqipëri, Yuri Kim. Ndamë vlerësime të njëjta për nevojën e një faze të re në luftën kundër krimit të organizuar dhe trafiqeve, për rolin e pazëvendësueshëm të Policisë së Shtetit për suksesin e reformës në drejtësi,
për projekte të reja bashkëpunimi me SHBA, për thellim të partneritetit mes institucioneve të sigurisë nga të dyja vendet dhe për çështje të tjera me rëndësi”, shkruan Lleshaj.
Ai thotë se SHBA vijojnë të jenë partneri ynë i madh strategjik, përherë në krah dhe në mbështetje të përparimit të gjithanshëm të vendit tonë.
g.kosovari
