Ministria i Brendshëm Sandër Lleshaj ka zhvilluar një takim me kryebashkiakët dhe prefektët e vendit ditën e sotme.
Lleshaj gjatë fjalës së tij thotë se rindërtimi pas tërmetit të 26 nëntorit, është prioriteti numër një për qeverinë për shkak se tërmeti solli një kosto të madhe.
Ai kërkoi që Emergjencat Civile të nxjerrim mësimet e nevojshme.
“Breda dy viteve bashkitë duhet të krijojnë bazën e të dhënave me dëmet e ndodhura që të mos jemi në situata të krijimit nga e para të bazës së të dhënave. Një detyrë tjetër që ligji kërkon, është hartimi i buxhetit për emergjencat civile, ku bashkitë duhet të akorrdojnë shifër prej 4% për emergjencat civile”, u shpreh Lleshaj.
Ai tha se ligji parashikon detyra të veçanta për prefektët, për të cilët shtoi se ligji i detyron për zbatimin e mbrojtjes civile dhe për kontrollin e buxhetit të bashkive.
Ministri kërkoi ndërtimin e planeve përkatëse dhe bazën e të dhënave dhe se me marrjen e këtyre masave, deklaroi se do të përgjigjen më mirë në rast se do të provohen nga natyra.
Lidhur me adresarin, ai tha se kërkohet pajisja e çdo qytetari me adresën e tij dhe çdo objekt i ndërtuar në Republikën e Shqipërisë me adresën e vetë.
Për zyrat e urbanistikës tha se janë përgjegjëse për numërtimin e banesave, ndërsa për emërtimin e shesheve, rrugëve dhe parqeve, tha se është detyrë e prefektëve.
Ministri deklaroi se rrugët do të emërtohen me emra ose me numra, duke nënkuptuar rastin e Kamzës, për të cilët tha se emërtimet kaluan në sens butaforik.
Në këtë drejtim Lleshaj deklaroi se do të përcaktohen edhe afatet për të përmbyllur atë punë që nuk është bërë dhe se nuk do të ketë më tolerime.
g.kosovari
