Ministri i Brendshëm Sandër Lleshaj ka reaguar pas operacionit që u zhvillua në gjashtë vende të BE-së dhe në Shqipëri ku u arrestuan 43 persona, ndërsa koka u prangos në Shkodër. “Goldfinger”, operacioni i koordinuar nga EUROPOL, ku merr pjesë Policia dhe Prokuroria Shqiptare, godet fort në Europë dhe në Shqipëri. Pjesë e goditjes janë shumë pjestarë të krimit të organizuar dhe sasi të mëdha asetesh kriminale. Kjo goditje e radhës provon pjekurinë, motivimin, besueshmërinë dhe profesionalizmim e lartë të organeve tona ligjzbatuese” shkruan Lleshaj.
43 persona u arrestuan sot në një megaoperacion të shtrirë në 7 shtete të ndryshme mes të cilave edhe Shqipëria. Në vendin tonë, në Shkodër, policia prangosi kreun e krupit kriminal në trafikun e drogërave të forta, 51 vjeçarin Astrit Beqiri, e shpalli në kërkim kunatin e tij, Jetmir Kastrati, i njohur ndryshe si Sokol Krasniqi. Grupi akuzohet se ka trafikuar mbi 1650 kg kokainë dhe heroinë në vendet e BE-së, ndërsa janë bllokuar objekte e sasi të konsiderueshme parash./l.m
