Prokuroria e Përgjithshme i ka cilësuar aspak diplomatike sulmet e diplomatit amerikan, Donald Lu, si dhe të përsëritura. “Prokuroria e Përgjithshme është gjendur në ditën e sotme në një sulm të hapur dhe paprecedente nga Lu lidhur me qëndrimet e reformës në drejtësi dhe kandidaturave. Dëshirojmë të pohojmë se këto sulme nuk janë aspak të reja për Prokurorinë e Përgjithshme.Ti sorosian, s’mund të jesh zot brenda Prokuroris”, pohoi Brikena Ballauri, shefja e Kabintetit të Prokurorisë së Përgjithshme.
Ditën e sotme, Donald Lu sulmoi hapur prokurorin Adriatik Llalla se ka qenë kundër reformës në drejtësi. Me një mesazh të qartë, Lu pohoi se gjatë procedurës së hedhjes së shortit për anëtarët e Këshillit të Emërimeve në Drejtësi, (KED) Llalla solli vetëm 3 propozime, duke dhunuar sipas tij Kushtetutën, në një kohë kur duhet të sillte një listë me disa emra, të cilët më pas do të përzgjidheshin.
“Prokurori i Përgjithshëm është kundër reformës në drejtësi. Për më shumë se 18 muaj ka folur kundër reformës. Në nëntor dhe dhjetor prokurorët u përpoqën dhe dështuan të sekuestronin serverin e kompjuterëve të ILDKPI, që është thelbësor për Vettingun. Të premten e shkuar, siç kërkohet nga Kushtetuta e re, u hodh shorti për anëtarët e Këshillit të Emërimeve në Drejtësi që do të mbrojnë pavarësinë e gjyqësorit. Shorti u drejtua nga sekretarja e Kuvendit, bazuar në Kushtetutë. Por prokurori i Përgjithshëm solli një liste vetëm me 3 anëtarë. Kushtetua përcaktonte se anëtarët duhet të përzgjidheshin me short, dhe secili solli listat më të gjata për këtë pozicion. Në dallim me to, prokurori i Përgjithshëm zgjodhi vetëm 3 emra, përzgjedhur pa preferencë për të plotësuar 3 poste”, tha ai.
