New Balance po lufton për të ruajtur të drejtat për të qenë kompania që prodhon fanellat e Liverpool dhe është gati ta çojë çështjen deri në gjyq.
Gjigantët e artikujve sportive Nike pritet të lajmërohen si prodhuesi i ri i fanellave të Liverpool duke nisur nga sezoni i ri, pasi ka arritur një marrëveshje me vlerë 90 milionë euro në vit me anglezët, duke eklipsuar 82 milionë eurot në vit që mer Manchester United nga Adidas.
Megjithatë, New Balace po mundohet me dëshpërim për të vazhduar të jetë prodhuesi i fanellave të kuqe me pretendimin se ka një klauzolë e cila e lejon të vijojë bashkëpunimin me kampionët e Champions League nëse janë gati të paguajnë të njëjtën shumë si Nike.
Aktualisht New Balance i jep 50 milionë euro në vit klubit anglez, por që prej fillimit të vitit Liverpool është në kërkim të alternativave më fitimprurëse duke parë se kontrata me firmën amerikane skadon në maj të 2020.
Megjithatë, Liverpool ka besim se do të arrijë marrëveshjen me Nike, por në fillim duhet të zgjidhet çështja me New Balance.
/a.r
