Partia Demokratike hap sot zyrtarisht fushatën elektorale për zgjedhjet parlamentare të 11 majit.
Kryetari i Partisë Demokratike, Sali Berisha dhe drejtuesi i fushatës elektorale, Chris LaCivita i janë bashkuar qytetarëve në sheshin “Nënë Tereza”.
Berisha dhe LaCivita do të mbajnë fjalimet e tyre para të pranishmëve, ndërsa do të ketë fjalime edhe nga qytetarë të ndryshëm.
PD këtë çelje fushate e ka organizuar më një podium të madh, ku janë vendosur kandidatët për deputetë në 12 qarqe ne te dy krahët, ndërkohe që në qendër është vendosur mikrofoni dhe pas tij disa të rinj që mbajnë të veshur bluzat e me numrin e koalicioni ASHM.
Me ardhjen e Berishës është zbuluar dhe kolona zanore e fushatës, Eye of the Tiger (Sytë e Tigrit) nga grupi Survivor, e njohur gjerësisht si muzika e filmit Roky Balboa.
Në këtë çelje të fushatës nuk kanë munguar dhe këngët e grupit legjendar rrok, ACDC “Thunderstruck”.
