Shqipëria luan kundër Spanjës në një sfidë miqësore në “shtëpinë” e Keidi Bares, stadiumin e Real Sociedadit. Një provë e vështirë për të Kombëtaren tonë, por një mundësi e mirë për tu rritur kundër një prej përfaqësuesve më të forta në botë.
Edhe pse është një miqësore trajneri Edi Reja kërkon ta shfrytëzojë në maksimum këtë ndeshje, ku ka zgjidhur dilemat për sa i përket sulmit. Formacioni është ai i zakonshmi 3-4-1-2 me Brojën dhe Cikalleshin që do të formojnë dyshen e sulmit.
75′ Ferran Torres
MINUTE PAS MINUTE
75’ GOOOL Spanja. Pasim në qendër për Torres i cili gjen devijimin e Gjimshitit për të dërguar sferën në rrjetë.
71’ Në fushë Azpilikueta dhe Jeremi, largohen Karvahal dhe Morata.
69’ Olmo mundohet të nisë Alba drejt portës së Berishës, por gardiani del dhe kontrollon i qetë.
64’ Zëvendësim i trefishtë te Spanja me Soler, Zhordi Alba dhe Olmo që futen në fushë në vend të Sarabia, Markos Alonsos dhe Gavi.
61’ Zëvendësim i dyfishtë te kuqezinjtë. Largohen nga fusha e lojës Cikalleshi dhe Gjasula, për t’i bërë vend Uzunit dhe Ramadanit.
56’ Kombinim mes Brojës dhe Balliut në krahun e djathtë. Mbrojtësi nis topin në qendër ku Laçi nuk arrin të devijojë. Sfera kthehet më pas te Bare i cili gjuan por dërgon topin shumë lart mbi traversë.
52’ Harkim nga e djathta në shtyllën e dytë për Morata, ky i fundit ul topin për Sarabia i cili tenton roveshatën por fluturon sferën mbi traversë.
50’ Ndeshja ndalet për pak minuta për shkak të një goditje që ka marrë Erik Garsia nga Cikalleshi.
48’ Përsëri gjuajtje e fortë e Rodri, sfera devijohet dhe përfundon jashtë.
46’ Menjëherë rrezikshëm spanjollët me një predhë nga jashtë zone të Rodri, Berisha përgjigjet me një grushtim vendimtar.
46’ Nis pjesa e dytë pa ndryshime në radhët e dy ekipeve.
45’+1’ Mbyllet pjesa e parë.
45’+1’ Aksion i rrezikshëm i spanjollëve me Sarabia në krahun e majtë, Gjimshiti largon me vështirësi para se futbollisti vendas të sinjalizohet në pozicion jashtë loje.
45’ Jepet 1 minuta shtesë.
45’ Sarabia tenton portën nga një goditje dënimi , por nuk gjen katërkëndorin.
44’ Karton i verdhë për Gjimshitin pas një faulli ndaj Moratës.
43’ Shpërthim spektakolar i Brojës në krahun e djathtë, kalon dy mbrojtës dhe nis topin për Cikalleshin i cili nuk arrin të devijojë para portës.
38’ Shpërthim i Brojës në krahun e djathtë, ku bën 40 metra me topin në këmbë mes futbollistëve kundërshtarë dhe në fund fiton një goditje këndi.
34’ Pedri provon me një gjuajtje të shpejtë nga e majta e sulmit, Berisha është në pozicion.
32’ Vazhdon e njëjta tablo, me spanjollët që mbajnë topin, por asnjë prej tyre nuk arrin të shfaqet rrezikshëm para Berishës.
30’ Në tribuna dëgjohen gjithnjë e më shumë thirrjet “Shqipëri, Shqipëri”.
28’ Presing i lartë i përfaqësueses shqiptare, që mundohet të mbajë Spanjën sa më larg portës së Berishës, duke ndaluar ndërtimin e aksioneve nga mbrojtja.
22’ Dominim i spanjollëve në këto minuta të para, por kuqezinjtë kanë arritur të kontrollojnë rreziqet e mëdha para Berishës.
20’ Pedri gjuan në kufijtë e zonës, Berisha ia del të kontrollojë sferën e shmangë rrezikun.
12’ Shpërthim i Balliut në krahun e djathtë, ai nis topin në qendër për Cikalleshin i cili rrëzohet pas një kontakti, por gjyqtari bën shenjë që loja të vazhdojë.
10’ Kombinime të shpejta të spanjollëve që nxjerrin Gavin në zonë, gjuajtja e tij bllokohet nga prapavija e Shqipërisë që largon rrezikun.
5’ Ferran Torres shpërthen në krahun e majtë dhe në diagonale mundohet të kalojë Berishën, por gardiani kuqezi devijon jashtë.
2’ Gavi provon menjëherë të gjejë një korridor mes futbollistëve kuqezi, mbrojtja largon rrezikun para Berishës.
1′ Nis dueli në Barcelonë.
FORMACIONET ZYRTARE
SPANJË: Martin; Karvahal, Garsia, P.Torres, Alonso; Gavi, Rodri, Pedri; F.Torres, Morata (k), Sarabia
SHQIPËRI: Berisha (k); Gjimshiti, Kumbulla, Ismajli; Hysaj, Gjasula, Laçi, Balliu; Bare; Broja, Cikalleshi
