Partia Demokratike pritet të nisë protestën para Kryeministrisë. PD ka marrë 2 orë leje për protestën, nga ora 18:00 deri në 20:00, e thirrur pas marrjes së pandehur të zv.kryeministres Belinda Balluku, por edhe për shkak të pretendimit për ngushtimin e hapësirave në parlament.
Berisha do të dalë nga selia blu për t’iu bashkuar protestës para Kryeministrisë. Policia ka marrë masa për mbarëvajtjen e protestës. Godina e kryeministrisë është blinduar , ndërsa në rrugët që të çojnë drejt bulevardit Dëshmorët e Kombit ka kufizim të qarkullimit.
Sali Berisha thotë se kërkesa e vetme e kësaj proteste është dorëheqja e kryeministrit Rama dhe Belinda Ballukut. Berisha tha se ky është hapi i parë për të ecur drejt një qeverie teknike, ndërsa pretendoi se protesta nuk ka lidhje me thirrjen e tij në SPAK për 21 janarin.
Përballë kryeministrisë është vendosur një podium i vogël, ku pritet të mbajnë fjalime figura të politikës por edhe qytetarë të thjeshtë. Foltorja para kryeministrisë pritet të vendoset 1 herë në javë.
Në protestë janë thirrur qytetarët e të gjithë vendit dhe është e para që mbahet përballë zyrës së Edi Ramës, që pas humbjes së zgjedhjeve të 11 majit.
