Shqipëria pret San Marinon në sfidën e katërt të Nations League, me kuqezinjtë që e kanë detyrim fitoren, teksa kërkohet edhe goleadë, teksa takimi ka nisur në orën 20:45.
Kuqezinjtë i kanë fituar të pesta përballjet kundër San Marinos, ndërsa kanë shënuar 16 gola dhe nuk kanë pësuar asnjë.
Ashtu siç e tha Maran, në portë starton Dajsinani, ndërsa mbrojtja përbëhet nga Gjimshiti, Ismajli dhe Mitaj. Hsyaj dhe Pilo do të luajnë më të avancuar nga krahët, ndërsa mesfusha përbëhet nga Asllani dhe Shehu. Në sulm, Muçi dhe Hoxha do të mbështesin Manajn.
Drejtësi në këtë takim do të vendosë turku Mehmet Türkmen, i cili do të mbështetet nga tre bashkëkombësit e tij në fushë dhe dy të tjerë në VAR.
Shqipëri 1-0 San Marino
Asllani 11’/ Lazzari 66′
Kronika e ndeshjes:
84′ Tjetër karton i verdhë për San Marinon, ndëshkohet Nicolas Giacopeti, por miqtë ruajnë barazimin, teksa kuqezinjtë vuajnë presionin psikologjik në kërkim të golit të fitores.
78’ – Hysaj shërben bukur për Manajn, por sulmuesi kuqezi nuk koordinohet si duhet duke goditur në mënyrë të gabuar
77′ Karton i verdhë për Simone Giocondi, i treti për San Marinon
Dy zëvendësime te Shqipëria. Largohen Mitaj dhe Shehu, në vendet e tyre futen Ramadani dhe Daku.
66′ San Marino shtang Shqipërinë, shenon golin e barazimit me Lorenzo Lazzari!
(Video)
60’ – Uzuni tenton me një gjuajtje me kokë pas topit të dhënë nga Hysaj, por përfundon mbi traversë.
51′ Michele Cevoli ndeshkohet me karton të verdhë për San Marinon
49’ – Mehmeti, i aktivizuar në vend të Muçit në fillim të pjesës së dytë, tenton me kokë portën e San Marinos, por goditja e tij është e lehtë, pritet pa problem nga Colombo.
46′ Starton pejsa e dytë, kuqezinjte kerkojne golin e sigurise.
45’+3 Mbyllet pjesa e parë, Shqiperia kryeson 1-0, rezultat i ngushtë! Por Bjellorusia e ka mbyllur takimin në avantazh me Finlandën, 1-0 me gol të Shumanskit në minutën e 15-të. Me këtë rezultat Shqipëria merr vednin e parë me 9 pikë. Finlanda 7, Bjellorusia 7.
45’ – San Marino rrezikon portën kuqezi. Della Balda godet fuqishëm, por Dajsinani është pozicional.
38′ Filippo Fabbri i San Marinos ndëshkohet me karton të verdhë
37’ – Një tjetër mundësi për Manajn, Colombo ka ndalur me këmbë goditjen e sulmuesit kuqezi
34’ – Hoxha tenton në hyrje të zonës, por goditja e tij është mjaft e lehtë për portierin Colombo
27’ – Mundësi për San Marinon që shfaqet para portës kuqezi, por Dajsinani tregohet i gatshëm për të pritur topin e goditur nga Capicchioni
22′ Manaj godet brenda zonës, por topi përplaset në shtyllë
11′ Kristjan Asllani tund rrjetën, Shqiperia kryeson 1-0. Mesfushori kuqezi lëshoi një goditje të fortë, duke dërguar topin në rrjetë dhe duke i dhënë Shqipërisë avantazhin
(Video)
8′ Manaj godet me të djathtën në hyrje të zonës, por ndalet nga portieri Colombo
7′ Pilo pason për Muçin, me këtë të fundit që godet me të djathtën, duke e çuar topin jashtë
5′ Hysaj hedh një krosim në zonë dhe Asllani godet me kokë, por tentativa e tij shkon jashtë
1′ Starton sfida!
