Kreu i PD-së, Sali Berisha herë pas herë ka vendosur në shënjestër të sulmeve të tij prokurorët dhe kreun e SPAK-ut Altin Dumani i cili ka nxjerrë nga pluhuri dosjet e nxehta, duke çuar pas hekurave shumë zyrtarë, ish-presidentë, ish-ministra apo dhe deputetë.
Por, të gjitha këto goditje ndaj korrupsionit, Berisha ‘ecën’ me dy sandarte, pasi kur SPAK godet kundërshtarin është i mirë, ndërsa kur godet nga e djathta është armik.
Në një konferencë me gazetarët sot, Berisha ka bërë deklarata disi ndryshe në raport me SPAK, duke theksuar se ka prokurorë të ndershëm dhe të guximshëm, ndryshe nga daljet e tjera publike kur i sulmon.
“Mes prokurorëve të SPAK ka njerëz kurajoz, të ndershëm, që zbatojnë dhe janë të gatshëm që zbatojnë të ligjin. Por absolutisht ka edhe njerëz që përdorin dosjet për të manipuluar prova, për të shfajësuar kriminelë dhe unë kam folur me fakte. Kur them se SPAK është organizatë kriminale, unë nuk nënkuptoj se çdo anëtar i SPAK është kriminel. Unë nënkuptoj ata që flenë mbi krimin, që janë marrë peng. Veliaj prsh u arrestua”, tha Berisha.
