Situata në grupin Demokrat vijon që të jetë e tensionuar pasi debatet brenda grupit duket se ende nuk janë shuar.
Korab Lita, që pretendon drejtimin e grupit kërkoi nga Ruci t’i japë përgjigje shkresës nisur në adresë të tij, për t’i dhënë zgjidhje situatës së krijuar. Lita kërkoi gjithashtu të hiqet nga lista e diskutantëve edhe emri i një prej deputetëve, që sipas tij nuk është pjesë e grupit.
“Grupi ka vendosur që ka vetëm nënë anëtarë, po ashtu u kërkoj të reagoni ndaj shpresës që kam dërguar për ta mbyllur njëherë e mirë këtë situatë, pasi po na pengon punën” tha Lita.
Por Ruci u shpreh se debatet brenda grupit demokrat nuk janë kompetencë as e tij dhe as e seancës.
“Ju lutem edhe njëherë u kam sqaruar seancën e kaluar dhe se nuk është kompetencën as e kryetarit të Kuvendit dhe as e seancës të merret me grupet parlamentare, duhet ti zgjidhni ju brenda për brenda. Mos implikoni parlamentin“.
Pak ditë më parë Rudina Hajdari denoncoi se është kërcënuar në zyrë.
g.kosovari
