LISTA / Zbardhen emrat e përfituesve të kredisë së butë nga Bashkia e Tiranës

Rreth një mijë familje të reja në Tiranë do të përfitojnë nga sot një kredi të butë. Këshilli Bashkiak pritet që të miratojë në mbledhjen e sotme listën e atyre që do të përfitojnë nga zbatimi i programit social të strehimit për kreditë e buta për blerjen e një shtëpie, duke marrë përsipër të subvencionojë interesat e tregut bankar.

Dhënia e kredive të buta ishte një premtim nga kryebashkiaku Erion Veliaj, i cili deklaroi në marrjen e detyrës rikthimin e tyresi një tjetër alternativë që Bashkia e Tiranës ofron për t’i dhënë fund problemit të strehimit në kryeqytet, krahas programeve të tjera që zbaton prej muajsh.

Targeti kryesor që përfitojnë nga skema e kredive të buta janë kryesisht familjet e reja, por sigurisht që nuk përjashtohen edhe familjet e tjera të cilat nuk kanë mudnësi që të blejnë një banesë vetë. Kredia do të jetë e garantuar ndaj luhatjeve të tregut.

Kredia do të jetë 3% për 20 vjet dhe çdo interes mbi 3% amortizohet nga Bashkia e Tiranës.

Burime për JavaNews bëjnë të ditur se kjo është vetëm faza e parë, ndërkohë që aplikuesit që nuk e kanë emrin në listë për mungesë dokumentacioni, do të kenë mundësionë të përfitojnë në fazën e dytë. /b.d