Deputetët serbë nuk janë dakord me faktin që ligjet e Kosovës të rregullojnë punën e sistemit arsimor serb në Kosovë.
Kështu ka deklaruar për RTV Kim, shefi i Listës Serbe, Slavko Simiq.
Duke iu përgjigjur akuzave të fundit të Forumit Kombëtar Serb (SNF) se Simiq po përpiqet që Universitetin e Prishtinës në Mitrovicë ta bëj bashkë me Asociacionin e Komunave serbe dhe t`ia ndërrojë emrin, ai theksoi se një gjë e tillë është e pasaktë.
Ai shpjegon se partitë e Kosovës janë përpjekur për të përfshirë në rendin e ditës së Kuvendit projektligjin e arsimit të lartë që do të përfshinte Universitetin serb në Mitrovicë, por kundër saj kanë dalë serbët dhe nga partnerët e koalicionit dhe Ministria e Arsimit të Kosovës kanë kërkuar që propozimi të tërhiqet.
Gjë që edhe ka ndodhur, tha Simiq.“Ne vetëm dëshirojmë që arsimi të menaxhohet nga Ministria e Arsimit e Republikës së Serbisë”.Shefi i Listës Serbe poashtu tha se sigurisht se projektligji i arsimi mund të miratohet nga Kuvendi i Kosovës, por pa votimin e deputetëve serb, transmeton Klan Kosova. (b.an)
