Policia e Shtetit finalizoi një prej operacioneve më të mëdha kundër trafikut të drogës, duke sekuestruar një sasi rekord prej 613 kilogramësh kokainë. Droga ishte e fshehur në një kamion me banane që vinte nga Kolumbia dhe kishte si destinacion vendet evropiane. Lidhur me çështjen policia prangosi dy persona ndërsa ëhstë shpalur në kërkim pronari i kompanisë “Arbri Garden”, që kishte sjellë ngarkesën.
Sasia e drogës e llojit kokainë është më e madhja e kapur ndonjëherë në vendin tonë, dhe me siguri hyn në listën e sasive rekord për të gjitha vendet.
Por cilat janë rastet më të bujshme të kohëve të fundit, sa i takon sasive të mëdha të drogave të forta të sekuestruara. JavaNews.al sjell disa prej operacioneve të strukturave ligjzbatuese në vende të ndryshme.
12 tonë kokainë në Kolumbi: Vetëm para pak muajsh, në nëntor të vitit 2017, në Kolumbi u sekuestrua sasia prej 12 tonësh kokainë, sasia më e madhe e kapur ndonjëherë gjatë një operacioni. Sipas autoriteteve vendase droga vlente 360 mln $, por në tregun evropian me pakicë ajo do të vlente 10 herë më shumë.
8 tonë kokainë Kolumbi: Në Maj të vitit 2016, autoritete kolumbiane sekusetruan një tjetër sasi rekord kokaine për atë kohë, plot 8 tonë. Droga u vlerësua se vlente rreth 240 mln $ nga autoritetet vendase.
Në Kolumbi janë me qindra rastet e tjera kur janë bllokuar ngarkesa prej qindra kilogramësh deri në tonelata.
3.8 tonë në portin e Hamburgut: Autoritetet gjermane bllokkuan një sasi prej 3.9 tonësh kokainë në portin e Hamburgut në Korrik të vitit 2017. Droga ishte e fshehur në kontejnerë dhe përbënte sasinë më të madhe të kapur ndonjëherë në këtë vend gjatë një operacioni. Kokaina sipas velrësimeve të policisë gjermane vlente 800 mln euro, apo 920 mln $ nëse dilte në treg.
1.2 tonë metamfetaminë në Australi: Në Dhjetor të vitit të shkuar në Australi i sekuestrua një sasi prej 1.2 tonësh metamfetaminë. Sipas autoriteteve vendase, droga vlente rreth 1 miliardë dollarë dhe ishte sasia më e madhe që ishte kapur në këtë vend ndonjëherë.
1.5 tonë heroinë në Indi: Në Korrik të vitit 2017 policia indiane sekuestroi një sasi prej 1.5 tonësh dorgë e llojit heroinë. Nuk kishte një përcaktim rreth vlerës së drogës nga policia vendase por nga përllogaritjet shkon mbi 100 mln dollarë.
333 kg heroinë në Rumani: Në vitin 2015 në Rumani, policia vendase sekuestroi një sasi prej 333 kilogramësh heroinë që vinte nga vendet e Lindjes. Kjo ishte sasia më e madhe e kapur në këtë vend dhe sipas vlerësimeve vlente plot 40 mln euro.
62.5 tonë kanabis Lazarat: Një prej sasive rekord të sekuestrimit të drogës është edhe ajo e oparacionit “Lazarati 1” në vitin 2014 në vendin tonë. Në magazina, banesa apo ambjente të ndryshme në fshat, policia skuestroi gjatë operacionit mbi 62.5 tonë kanabis.
ANDI MALASI/JavaNews.al/
