Publikohen një pjesë e emrave të sudentëve që kanë fituar të drejtën për të vazhduar studimet master. Fakultetet kanë përzgjedhur studentët e rinj që do të vazhdojnë “Master Profesional” dhe “Master Shkencor”.
Ndërkohë menjëherë më pas pritet të nisin regjistrimet pranë sekretarive. “Regjistrimet do të zhvillohen nga data 25-28 Tetor, ora 08:00-16:00 pranë sekretarive të departamenteve”, – thuhet në një njoftim të Fakultetit të Shkencave të Natyrës.
Sot gazeta publikon emrat e fituesve në të gjitha degën e Fakultetit të Shkencave të Natyrës. Kriteri bazë i përzgjedhjes për shpalljen e fituesve ka qënë: Mesatarja e përgjithshme e ponderuar e studimeve bachelor brenda kuotave të miratuara.
Dokumentat
Kandidati paraqitet personalisht dhe dorëzon dokumentacionin e mëposhtëm: a. Diplomë, ose fotokopje të saj të njësuar me origjinalin, të ciklit të parë të studimeve të përfunduar në Republikën e Shqipërisë. Për diplomat e fituara jashtë vendit, vërtetimin e njohjes në Republikën e Shqipërisë, të lëshuar nga MAS.
b. Diplomën e Maturës Shtetërore së bashku me certifikatën e notave ose fotokopje të tyre të njësuar me origjinalin Deklaratën e aplikantit.
Mandat pagesa e tarifës së aplikimit prej 2.500 lekë (për të gjithë kandidatët).
Fotokopja e dokumentit të identifikimit (kartë identiteti, letërnjoftim ose pasaportë). Dy fotografi personale.
Fotokopje e noterizuar e gjuhës së huaj (vetëm për Masterin Shkencor)
Shqiptarja/d.i.
