Një javë më parë, Ministria e Drejtësisë i kërkoi KLD-së shkakrimin e katër gjyqtrarëve të Repupublikës së Shqipërisë. Bëhet fjalë për Petraq Currin, Ergys Selmanin, Ahmet Jangullin dhe Ken Dhimën.
Ditën e sotme, ministrja Etilda Gjonaj ka ‘shpërthyer’ në akuza dhe pakënaqësi ndaj Këshillit të Lartë të Drejtësisë, pasi ky i fundit i rrëzoi kërkesat për shkarkime.
Gjonaj e cilësoi këtë ‘një ditë të zezë për KLD’ duke u shprehur se institucioni në fjalë dështoi në garantimin e llogaridhënies së gjyqtarëve. Vendimet e KLD-së në fakt u kundërshtuan edhe nga Presidenti Ilir Meta,. Ky i fundit, po sot, tha se Këshilli i Lartë i Drejtësisë gaboi duke mos shkarkuar gjyqtarët me shkelje flagrante.
Por cilët janë katër emrat e gjyqësorit, që KLD i mbrojti sot përmes votës dhe për çfarë shkeljesh akuzohen ata?
I pari është Petraq Curri, gjyqtar i Durrësit. Sipas Ministrisë së Drejtësisë, Curri ka shkelur ligjin duke liruar nga qelia shtetasin Alket Hatia. Ky i fundit akuzohet si “Baron i drogës”. Këtë akuzë Hatia e ka mohuar duke deklaruar se nuk ka ndërmend të dorëzohet.
Një tjetër gjyqtar për të cilin u kërkua shkarkimi është ai i Fierit, Ergys Selmani. Sipas akuzës nga ministria, ai vonoi zbardhjen e urdhërit të mbrojtjes për shtetasen Liljana Ruka, e cila më pas u vra nga bashkëshorti në mënyrë makabër. Vrasësi e hodhi Rukën nga dritarja e katit të katërt ku edhe banonin. Por sot, gjyqtari ia hodhi me një “Vërejtje”.
Ministria e Drejtësisë ka kërkuar shkarkim edhe për gjyqtarin administrativ të Shkodrës, Ahmet Jangulli, për të cilin KLD do të vendosë në mbledhjen e radhës. Ndërkohë që për gjyqtarin e Vlorës, Ken Dhima, kërkesa për shkarkim gjithashtu është refuzuar. Për këta dy të fundit, nuk janë bërë publike shkeljet që janë konstatuar në ushtrimin e detyrës. /JavaNews/b.d
