Nënkomisioni ad hoc ka përzgjedhur për herë të dytë emrat e kandidatëve për në Këshillin e Lartë Gjyqësor dhe Këshillin e Lartë të Prokurorisë që vijnë nga masgjistratura, avokatia dhe shoqëria civile.
Pasi mazhoranca dhe opozita nuk gjetën konsensusin për miratimin e listës që propozuar fillimisht nga nënkomisioni ad hoc, një listë e dytë do t’i përcillet Kuvendit për votim në seancë plenare.
Për KGJ, goglat kanë seleksionuar dy kandidatët nga trupa e avokatisë, Fatos Lazimi dhe Fatmira Luli, nga trupa e pedagogëve Maksim Qoku e Mirela Bogdani si dhe kandidatja e shoqërisë civile për anëtare e KLGJ, Naureda Llagami.
Për anëtarët e KLP shorti përzgjodhi nga trupa e avokatëve Gëzim Allaraj dhe Floreta Gjini. Nga radhët e pedagogëve, Eneda Sema dhe Gent Ibrahimi, ndërsa nga Shoqëria Civile, Andi Murati.
Nëse lista nuk merr 2/3 e votave të Kuvendit, do të rikthehen sërish në nënkomision për të nisur nga e para procedurën. Por ndryshimi është sipas ligjit të reformës në drejtësi, se lista e tretë e cila miratohet nga nënkomisioni miratohet automatikisht dhe hyn në fuqi pa pasur nevojën e votave të Kuvendit.
/a.m.
