Dy nismat për ndryshime kushtetuese të prezantuara sot nga deputetja Mimoza Hafisi janë firmosur nga nëntë depotet, shumica e të cilëve nga radhët e opozitës.
Amendamentet që kanë të bëjnë më zgjedhjen e Presidentit nga populli dhe votimin e reformës më referendum, mbajnë shumicën e firmave nga radhët e opozitës, ku spikat ish-kryetari i PD, Eduard Selami.
Ndërkohë që kreu demokrat ka kërkuar zbatimin e Nenit 88 sipas interpretimit të tij, Eduard Selami, Agron Duka, Vangjel Dule, Dashamir Shehi dhe Nard Ndoka janë shprehur përmes propozimit të Hafizit se me anë të referendumit, popullit i lind e drejta të vendosë vetë për reformën në Drejtësi.
Në listën e deputetëve firmëtarë katër janë kryetarë partish, 3 prej të cilëve në koalicion me PD.
“Besojmë se këto ndryshime kushtetuese janë të domosdoshme për jetën demokratike të vendit. Prandaj do i kërkojmë opinionit publik dhe të gjithë qytetarëve të ushtrojnë presion mbi deputetët e tyre për ta mbështetur këtë nismë” – përfundon letra e firmosur nga 9 deputetët. (java / r.a)
Agron Duka – PAA
Arta Dade – PS
Ben Blushi – PS
Dashamir Shehi – LZHK
Eduard Selami – PD
Luljeta Arapi – PS
Mimoza Hafizi – PS
Nard Ndoka – PDK
Tahir Muhedini – PDIU
Vangjel Dule – PBDNJ
