ianni De Biasi ka shpallur listën e lojtarëve për ndeshjen miqësore kundër Marokut e më pas për takimin e rëndësishëm me Maqedoninë, për botërorin Rusi 2018.
Trajneri italian ka thirrur portierin e Lazios, Thoma Strakosha, si dhe sulmuesin Rey Manaj nga Pescara.
“Grupi jonë është shumë i vështirë pasi kemi Italinë, Spanjën, Izraelin, që janë skuadra shumë të forta. Por edhe me Maqedoninë duhet ta vlerësojmë pasi duhet të japim 101% të mundësive tona. Që nga ky çast duhet të shtrydhim trurin mirë për të krijuar skuadrën e re. Duhet të harrojmë pjesën e kampionatit europian që me entuziasëm dhe forcën e grupit arritëm atë rezultat”, tha De Biasi.
PYETJET E GAZETAREVE
Kush do jetë kapiteni i ri?
Këto ditë do ta mësoni.
Sa shanse ka Shqipëria për të arritur objektivin e dy vendeve të para?
Sipas jush?
Unë preferoj përgjigjen tuaj…
Po ti?
Unë si tifoz dua të fitojmë botërorin…Me çfarë objektivi futeni?
Kemi objektiv të bëjmë më të mirën e mundshme.
U ka vënë Federata objektiv?
Të bëjmë maksimumin.
Ka përfunduar eksodi i futbollistëve që po ikin te Kosova?
Mos e quani eksod sepse eksod është lëvizje masive. Grupi është kompakt. Janë disa lojtarë që u grumbulluan në Austri dhe jo në Francë që kishin pretendimet e tyre.
Bunjaku është një trajner rival?
Nuk kemi folur prej kohësh. Ai është trajneri i Kosovës.
Është sjellë korrekt në raport me Shqipërinë?
Nuk e di. Për mua nuk ka bërë asnjë gjë të çuditshme.
Mbrojtja duket sikur ka shumë probleme. Si pritet ta rregulloni?
Baza e mbrojtjes është ajo e Francës e palëvizur. Loriku bëri zgjedhjet e tij, ndërsa Ajeti për arsye shëndetësore nuk është në këto ndeshje, por me Francën dhe Rumaninë ka dhënë kontribut shumë të mirë.
Nëse do ktheheshe pas, do e merrje Rashicën?
Jo. Kur bëra zgjedhjen e kisha menduar shumë mirë. Zgjedhjet që bëmë më dhanë të drejtë.
Të thirrurit
Portierë: Berisha, Hoxha, Strakosha, Shehi
Mbrojtës: Aliji, Gjimshiti, Hysaj, Agolli, Mavraj, Veseli
Mesfushorë: M. Basha, Kaçe, Memushaj, Roshi, Hyka, Lila, Lenjani, Kukeli, Abrashi
Sulmues: Balaj, Cikalleshi, Sadiku, Gashi, Manaj
