Një 50-vjeçare e arrestuar rreth dy muaj më parë nga policia, pas pretendimit se në servisin e përshtatur si banesë u gjet 1.2 kg kokainë, është liruar nga paraburgimi.
Burime bëjnë me dije se vendimi për lirimin e Vera Prekës ka ardhur pas kërkesës së Prokurorisë së Lezhës, pasi nga hetimet ka rezultuar se lënda e gjetur nuk ishte kokainë, por një lloj qetësuesi.
Nga ekspertimi dhe ekzaminimet që janë kryer nga grupi hetimor, ka rezultuar se materiali i gjetur në dhomën ku jetonte Preka është lidokainë, material i cili nuk gjendet e në tabelën e lëndëve narkotike të ndaluara me ligj.
Vera Preka u arrestua me bujë nga Policia e Lezhës në kuadër të operacionit të koduar policor “Stacioni” disa javë më parë.
/a.r
