Vetëm dy ditë qëndroi pas qelisë! Ish-aksioneri i Dinamos, Dragoş Săvulescu është liruar nga qelia e paraburgimit ku edhe mbahej pas arrestimit të tij dy ditë më parë në ishullin e Mykonosit.
Mediat rumune kanë bërë me dije se biznesmeni nuk mund të largohet nga territori i shtetit grek derisa të gjykohet kërkesa e tij për ekstradim. Afati i fundit është lënë për në shtator dhe deri atëherë do të duhet që të jetë në arrest shtëpie, nën monitorimin e Policisë. Ndërkohë që e ka të ndaluar kategorikisht që të largohet nga Greqia.
46-vjeçari Dragos Savulescu, i cili njihet për shqiptarët si bashkëshorti i ish-Miss Shqipërisë, Angela Martini, u arrestua dy ditë më parë në Mykonos.
Ndaj tij kishte një urdhër ndërkombëtar arresti pasi është dënuar me 5.5 vjet burg për përvetësimin e parave publike në Rumani. Ai dhe bashkëpunëtorë të tjerë u shpallën fajtorë për përvetësimin e një totali prej 114 milionë eurosh pasuri publike./m.j
