Martin Shkreli është liruar nga burgu. Lajmi mësohet nga postimet e vazhdueshme që po shfaqen në rrjetin social Twitter.
“Ai është amerikani më i urryer”që tani lëviz lirshëm në rrugët e Nju Jorkut”, shkruan dikush në twitter, ndërsa ka mes reagimeve edhe mesazhe pozitive për të.
Në shtator të vitit 2017, Martin Shkeli i rriti çmimin një ilaçi antiparazitar të quajtur “Daraprim” me 5000% duke e shitur në 750 dollarë për kapsulë. Për këtë gjë ai është përballur prej vitesh me Gjykatën nën akuzën e “mashtrimit të investitorëve”.
Shkreli, 39 vjeç, u shfaq i penduar përpara gjykatëses amerikane Kiyo Matsumoto, në Gjykatën Federale në Brooklyn të Nju Jorkut dhe avokati i tij kërkoi masë lehtësuese, ndërsa prokurori kërkoi 15 vite burg. Në përfundim të procesit Shkreli u dënua me 7 vite burg.
Prokurorët e akuzuan Shkrelin se kishte manipuluar paratë në fondet e investimeve Elea Capital, MSMB Capital dhe MSMB Healthcare, si dhe kur ishte shef ekzekutivi i firmës Retrophin, që ai e kishte themeluar në vitin 2011. Pala mbrojtëse këmbënguli se investitorët i kishin marrë paratë e tyre, madje kishin dalë me shumë fitim.
Jashtë gjykatës, Shkreli e quajti procesin kundër tij “një gjueti shtrigash me përmasa epike”. Ish-ekzekutivi i firmës bioteknologjike njihet më shumë për bujën që shkaktoi rritja prej tij shumëfish e çmimit të një ilaçi mjaft të kërkuar si dhe për komentet fyese që ai u bënte kritikëve në mediat sociale./dritare.net
