Flamur Paja, mësuesi nga Durrësi që u filmua duke rrahur nxënësin, është liruar nga qelia, pasi gjykata e ka cilësuar si të paligjshëm arrestimin, duke vendosur detyrim për paraqitje.
Paja, mësues prej 25 vjetësh, u pushua nga puna dhe u arrestua pasi doli një video ku ai rreh nxënësin e klasës së shtatë. Në gjykatë mësuesi është shprehur i penduar, por edhe ka shtuar se e humbi gjakftohtësinë për shkak të provokimeve të vazhdueshme prej një jave.
“Ishte kurth, më provokonin prej një jave. Jam penduar për veprimin, por ishte në gjaknxehtësi e sipër”, deklaroi Paja.
Edhe vetë nxënësi e ka pranuar se mësuesi e rrahu pasi ai e kishte quajtur shurdh.
Nxënësit e tjerë dhe prindërit, përfshirë ata të nxënësit të dhunuar, kanë kërkuar lirimin dhe kthimin e mësuesit në punë.
