Lirohet nga qelia kryetari i Bashkisë së Lezhës Fran Frrokaj, i arrestuar për tjetërsimin e pronave te “Rana e hedhun”.
Gjykata ka vendosur masën e sigurisë “arrest shtëpie”. Më herët ndaj tij ishte caktuar masa e “arrestit me burg” e cila u ndryshua sot nga togat e zeza.
Po ashtu gjykata zbuti masat edhe për nënryetarin e bashkisë Emver Hafizi si dhe Kryetarin e Këshillit të Qarkut Gjok Ndoka. Edhe ndaj tyre gjykata caktoi masën “arrest shtëpie”.
Për Ndokën rivlerësimi i masës u bë në spital ku ai ndodhet pasi ka shfaqur probleme shëndetësore.
E njëjta masë sigurie u vendos edhe për 8 zyrtarët e tjerë të niveleve më të ulta të cilët do të lënë qelitë dhe do të izolohen në shtëpi.
***
Kryebashkiaku i Lezhës Fran Frrokaj dhe zyrtarët e tjerë të arrestuar për akuzën e “tjetërsimit të pronave” janë paraqitur para Gjykatës së Lezhës ku do të njihen me masat e sigurisë.
Më herët gjykata ka dhënë ndaj kryebashkiakut masën e “arrestit me burg” në mungesë.
Frrokaj ka habitur para gjykatës kur pati një kërkesë për nënkryetaren që mbeti e lirë. Ai ka kërkuar të merren masa për rrëshqitjet e dherave në rrugën e Kalasë në qytetin e Lezhës.
Pritet që drejtuesit lokal t’i komunikohet zyrtarisht masa. Para togave të zeza dalin sot edhe 11 zyrtarë të tjerë të bashkisë e Hipotekës.
Në seancë, nuk është paraqitur kryetari i Këshillit të Qarkut të Lezhes, Gjok Ndoka. Për shkak të problemeve shëndetësore me zemrën, xhaxhai i ish-deputetit socialist Arben Ndoka, ndodhet në spital për të marrë trajtim mjekësor.
Ndërkohë jashtë ambjenteve të gjykatës janë grumbulluar shumë qytetarë, mbështetës të kryebashkiakut të djathtë./a.m.
