Gjykata e Apelit në Durrës lë prapa hekurave drejtorin e burgut të Durrësit, Astrit Kote për lirimin me kusht të të dënuarit Lulëzim Berisha.
Ai akzohet për “Shpërdorimit të detyrës” dhe “Fallsifikimit të dokumentave”.
Nga hetimet e Prokurorisë së Durrësit, rezultoi se Drejtori i Institutit të Ekzekutimit të Vendimeve Penale (burgut) dhe juristi i këtij institucioni (i shpallur në kërkim), kanë llogaritur në mënyrë të kundërligjshme kohën e qëndrimit të burgim të të dënuarit Lulëzim Berisha. Në bazë të shqyrtimit të dosjeve përkatëse të burgut Durrës, Prokuroria ka arritur në konkluzionin se të dënuarit Lulëzim Berisha duhej të kryente edhe të paktën 2 vjet e 7 muaj burgim, para se tëmund të përfitonte nga parashikimet ligjore për lirimin me kusht.
Edhe Gjykata e Durrësit vendosi ta lerë në burg Koten, ndonëse ai u mbrojt me pretendimin se, numërimi i ditëve të burgut është një procedurë e juristit, Teodor Labi.
“Nuk kam lidhje me dinamiken e vuajtjes se dënimit sepse është procedure e juristit dhe jo e drejtorit të burgut. Çdo dinamikë kontrollohet formalisht nga drejtori. Raportet me zyrën juridike, janë të tilla që ricikloj dhe miratoj veprimtarinë e juristit. Personalisht nuk merrem me pjesën e dënimit të të burgosurve. Dua te di ku kam bërë falsifikim dhe kam shkelur detyrën. Nuk e ndjej veten fajtor. Nuk dua të më shohin me keqardhje, pasi jam i pafajshëm” tha ai. /BalkanWeb/b.d
