Izolohet në burg shefi i sigurisë së burgut të Shën-Kollit, pas lirimit të kosovarit të shpallur në kërkim nga autoritetete e këtij shteti.
Gjykata e Lezhës vendosi masën e sigurisë “Arrest me burg” për Dejvis Alihoxhën. Alihoxha është prangosur në 23 maj, pas lirimit nga qelia të kosovarit Shuaip Zukaj, i cili ishte dënuar me 20 vjet burg për akuzën e vrasjes në Kosovë. Fill pas këtij vendimi, avokati mbrojtës, Detar Hysi pohoi se vendimi për të lënë në burg klientin e tij është absurd.
Administrata e burgut në Shënkoll të Lezhës, liroi nga qelia pa vendim gjykate shtetasin Shuaip Zukaj, i njohur ndryshe edhe me emrin Shaban Zukaj nga Deçani i Kosovës.
Edhe pse në kartelën e tij personale ndodhej vendimi i formës së prerë, dhënë nga Gjykata në Shqipëri, që me përfundimin e dënimit duhej të ekstradohej në Kosovë, administrata e burgut e ka lënë atë të lirë./a.m.
