Parkut të Liqenit i janë shtuar edhe 200 pemë të tjera lisi. Bashkia e Tiranës i ka mbjellë ato në pjesën jugore të Liqenit, në zonën që kufizon me Unazën e Madhe, e cila deri para pak kohësh ishte kthyer në një vatër papastërtish dhe infeksionesh për banorët e zonës dhe të vet liqenit.
Është vet kryetari i Bashkisë së Tiranës, Erion Veliaj ai që e bënë të ditur këtë lajm në rrjetin social facebook, të cilin e shoqëron edhe me një album me foto jo vetëm nga ky aksion por edhe punët e tjera publike që po bëhen në qytet. “Mbollëm 200 pemë Lisi sot tek Parku i Liqenit, filluam trotuarin e ri tek Rr. 5 Maji, rikonstruktuam rrjetin e ujësjellësit tek Komuna e Parisit dhe riparuam rrugën “Mihal Grameno”. Ja kthejmë qytetin njerëzve që duan progresin”, shkroi Veliaj.
