Një i moshuar është ankuar për vonesat e autobusit të “Tiranës së Re”, por është përballur me dhunën e kontrollorit të linjës, i cili është nxehur nga pretendimet e pasagjerit dhe pasi e ka zbritur nga autobusi e ka qëlluar me grusht, duke e rrëzuar në tokë. Pasagjerët e tjerë kanë filmuar gjithçka me celular dhe e kanë publikuar videon në faqen “Jeta Osht Qef” në Facebook.
“Mora urbanin Tirana e Re tek Unaza Re dhe një burrë i moshuar po ankohej për vonesat në stacion. Pastaj kontrollori i linjës e fyen rëndë, e nxjerr jashtë dhe e godet me grusht siç e shikoni në video. Eshtë e papranueshme dhe degjenerim kjo që sapo ndodhi. Numri i autobusit është 06, ora 13:40. Të ndërhyjnë organet kompetente”, shkruan personi që e ka dërguar videon në faqen “Jeta Osht Qef”.
