Gjykata e Tiranës ka lënë në burg Marjus Demën, të riun që vrau shokun e tij, Mehmet Qema. Ndërsa gjashtë shokët e tjerë, pjesë e bandës së “5-Majit”, janë lënë të lirë.
Trupi gjykues vendosi masën ‘arrest shtëpie’ për Frenkli Myftarin, Xhuliano Koçin, Blerim Hotin dhe Erlind Pekën. Për dy të tjerët, Eder Pjetrin e Marjus Halilin është caktuar masa “detyrim paraqitjeje”.
Shokët e Marius Demës dhe Mehmet Qemës, të cilët ishin të pranishëm në vendngjarje, akuzohen për moskallëzim krimi dhe dolën kokëulur para gjykatës.
Në sallën e gjyqit Marius Dema deklaroi se Qemën e kishte si vëlla dhe gjithçka ka ndodhur aksidentalisht, teksa po luante.
Dema, u vetëdorëzua disa orë pas krimit, ndërsa para grupit hetimor tha se ishte i tronditur nga ajo që kishte ndodhur. Sipas tij, ai nuk e dinte që pistoleta kishte plumb
Gjatë seancës gjyqësore, Prokurori përshkroi dhe pamjet ku të gjithë shokët po konsumonin ushqim dhe pije para se të ndodhte vrasja e Mehmet Qemës.
Në një moment, drejton armën nga shoku i tij.
Pasi arma u shkrep në mënyrë të pavullnetshme, shihet në kamerat e sigurisë se si viktima rrëzohet nga karrigia dhe shoku i tij vrapon për ta mbajtur dhe pastaj e ul në karrige.
g.kosovari
