Gjykata e Gjirokastrës la në burg anëtaret e të ashtuquajtur “Banda e Shijakut”, anëtaret e të cilës janë autoret e grabitjes me dhunë të 12 milionë lekeve tre dite me parë në fshatin Memaliaj.
Seanca u drejtua nga Mirela Ilijopulli, ndërsa prokurori Julijan Çafka ka paraqitur prova dhe argumente se Erald Allushi 23 vjec, Fatjon Resuli dhe Armando Reka te tre nga Shijaku janë autorë të grabitjes me dhunë të 12 milionë lekeve në fshat Memaliaj.
Para oficerëve të policisë gjyqësore, tre të arrestuari pranuan autorësinë e ngjarjes. Ndërsa nuk kanë folur në momentin e dhënies së provave.
Avokatet e të akuzuarve kanë kërkuar gjykim të shkurtuar pasi klientët e tyre pranuan autorësinë. Ndërkaq prokurori i çështjes kërkoi burg pa afat për të tre si dhe për Migel Shabanin i shpallur në kërkim. Ky i fundit sipas dëshmive nga të arrestuarit, ka qene organizatori i grabitjes se 12 milionë lekëve ku i ka orientuar anëtaret e tjerë.
Gjykatësja ne fund ka vendosur masën e arrestit “Burg pa afat” për të tre të rinjtë si dhe për Migel Shabanin qe vlerësohet te jete organizatori i grabitjes.
Banda e Shijakut dyshohet se ka grabitur edhe banesën e Jani Bashos në Terihat 15 ditëm më parë.
/a.r
