Ligjvënësi i lartë britanik, Andrew Mitchell, e ka akuzuar sot Rusinë se po i shënjestron civilët në Siri, në të njëjtën mënyrë si nazistët në Guernica gjatë luftës civile spanjolle në vitet 1930-ta. Mitchell, deputet në radhët e partisë Konservatore të kryeministres së Britanisë së Madhe, Theresa May, ka thënë se sulmi ndaj kamionëve me ndihma të OKB-së muajin e kaluar afër qytetin verior të Sirisë, Alepo, ishte krim lufte i kryer nga forcat ruse, transmeton Express.
Rreth 20 njerëz u vranë në këtë sulm, për të cilin SHBA-të po e fajësojnë avionët ushtarakë rusë, të cilët ishin mbi qiellin e kësaj zonë në momentin e incidentit. Moska i mohon akuzat, duke thënë se avionët e saj ushtarakë i sulmojnë vetëm militantët. Për më tepër, Moska e mban përgjegjës Perëndimin për krizën në Siri.
“Jemi dëshmitarë të ngjarjeve të cilat janë të njëjta me sjelljen e regjimit nazist në Guernica në Spanjë,” ka thënë ai, duke iu referuar shkatërrimit të qytetit spanjoll në vitin 1937 nga avionët luftarakë gjermanë të Adolf Hitlerit.
ma.me
