A do ta dekretojë presidenti Meta ligjin për Teatrin Kombëtar? Kreu i shtetit ka reaguar për mediat lidhur me debatin për ndërtimin e Teatrit të ri Kombëtar.
Ilir Meta është shprehur se vendimi i presidentit nuk do të ndikohet nga asnjë faktor i jashtëm, por nuk dha një përgjigje nëse do ta dekretojë apo jo ligjin.
“Do të mbaj qëndrim për aq sa kam përgjegjësi. Dua t’ju siguroj që në çdo vendim nuk do të ndikohem nga asnjë faktor jashtë përgjegjësive që ka presidenti. Nuk do të veproj jashtë përgjegjësive të mia”, deklaroi Presidenti Meta
Ndërkohë kryebashkikau Veliaj u shpres se beson te presidenti Meta se do ta dekretojë ligjin.
“Unë shpresoj te Presidenti si institucion por edhe si person. Ilir Meta është një njeri jashtëzakonisht konstruktiv, që gjithmonë ka synuar paqe sociale, jo sherr, jo shamatë. Besoj që qetësia e dashuria do triumfojnë, për diçka që për të cilën tashmë besoj se ka konsensus publik, konsensus të gjerë publik tek aktorët, tek ata që votuan në Parlament dhe tek popullata, sepse siç e tha i madhi Robert Ndrenika, kemi nevojë për teatër e jo për muze. Ndaj, për një teatër të ri besoj do gjendet një vullnet i mirë, kam shumë besim”, u shpreh Veliaj.
Opozita i ka bërë thirrje presidentit që të mos dekretojë ligjin që i jep Tiranës një Teatër të ri dhe modern
Javanews/a.ç
