Parlamenti i Ukrainës miratoi një ligj të enjten, i cili i jep status të posaçëm gjuhës ukrainase dhe e bën të detyrueshme për punëtorët e sektorit publik, një masë që Rusia e përshkroi si ndarëse dhe tha se ishte diskriminuese ndaj folësve rusë.
Ligji, i cili i detyron të gjithë qytetarët të njohin gjuhën ukrainase dhe e bën atë një kërkesë të detyrueshme për nëpunësit civilë, ushtarët, mjekët dhe mësuesit, është përkrahur nga presidenti Petro Poroshenko.
Ai pritet ta nënshkruajë atë ligj para se të largohet nga posti në javët e ardhshme, pasi humbi zgjedhjet të dielën ndaj Volodimir Zelenskiy, një aktor që kryesisht flet rusisht në publik.
Gjuha ukrainase është gjuha mbizotëruese në Ukrainën perëndimore, ndërsa rusja është mbizotëruese në pjesën më të madhe të lindjes. Të dyja gjuhët fliten gjerësisht në kryeqytet, Kiev dhe një pjesë e madhe e popullsisë flet të dyja rrjedhshëm.
Televizioni shpesh është dygjuhësh, me prezantuesit dhe të ftuari e tyre, që rrëshqasin në mes të dy gjuhëve, ndonjëherë duke bërë pyetje në një dhe duke iu përgjigjur atyre në një tjetër.
Gjuha është bërë një çështje shumë më e ndjeshme që nga viti 2014, kur një president pro-rus u rrëzua në një revoltë popullore dhe Rusia u përgjigj duke aneksuar rajonin e Krimesë dhe duke mbështetur një kryengritje pro-ruse separatiste në lindje.
Separatistët argumentuan pjesërisht se lindorët ishin viktima të rritjes së diskriminimit ndaj atyre që flisnin rusisht. Disa folës ukrainas argumentojnë se përparësia e Rusisë është një trashëgimi e epokës sovjetike që minon identitetin e Ukrainës.
Të mërkurën, Presidenti rus Vladimir Putin nënshkroi një urdhër që thjeshtonte procedurën për marrjen e një pasaporte ruse për banorët e rajoneve rebele të Ukrainës lindore, duke nxitur thirrjet e Kievit për më shumë sanksione ndërkombëtare.
Zelenskiy, i cili ka luajtur një mësimdhënës të shkollës së mesme në një seri komedish në gjuhën ruse, në televizionin ukrainas, para nisjes së karrierës së tij politike, tha të enjten se ekipi i tij do të shqyrtojë ligjin e ri për të parë nëse të drejtat e të gjithë qytetarëve janë respektuar.
“Duhet të iniciojmë dhe miratojmë ligje dhe vendime që konsolidojnë shoqërinë, dhe jo anasjelltas,” shkroi ai në Facebook.
Zelenskiy tha se origjina e projektligjit gjatë ciklit zgjedhor “e bëri atë peng të retorikës politike”, duke shtuar se ishte e vështirë të parashikoheshin pasojat e miratimit të ligjit.
Maria Zakharova, një zëdhënëse e Ministrisë së Punëve të Jashtme të Rusisë, tha se ligji i ri do të thellonte ndarjet brenda shoqërisë ukrainase dhe do të vendoste kufizime të ashpra, duke përfshirë në disa raste ndalime, mbi përdorimin e rusishtes në jetën publike të Ukrainës.
g.kosovari
