Kombëtarja shqiptare e vajzave u mposht 2-1 nga Ukraina, në ndeshjen e parë të Ligës së Kombeve.
Golin e vetëm për Shqipërinë në stadiumin “Niko Dovana” e shënoi Fortesa Berisha.
Në stadiumin e Durrësit, ishte një atmosferë elektrizuese me tifozët që i ishin përgjigjur pozitivisht ftesës për të mbështetur Kombëtaren në këtë takim.
Për Ukrainën shënoi Olha Ovdiychuk në minutën e 31-të. Në fraksionin e dytë, ukrainaset shënuan golin e dytë në minutën e 48-të me Nicole Kozlova.
Shqipëria u mundua të reagonte dhe pas disa rasteve e gjeti rrugën e rrjetës vetëm në fundin e takimin me Fortesa Berishën.
Më 25 Shkurt, Shqipëria do të luajë ndeshjen e dytë në transfertë ndaj Çekisë, në orën 17:30.
