Agjentë federalë të Byrosë Federale të Hetimit kanë bastisur shtëpinë në Virginia të ish-kreut të fushatës presidenciale të Donald Trump, Paul Manafort.
Lajmi bëhet i ditur nga mediet amerikane, sipas të cilave agjentët federalë thuhet se kanë sekuestruar dokumente dhe materiale të tjera gjatë bastisjes në orët e para të agimit të 26 korrikut, vetëm një ditë pasi Manafort u takua vullnetarisht me Komitetin e Inteligjencës së Senatit.
Manafort u largua nga drejtimi i fushatës pas dyshimeve mbi lidhjet e tij me të huajt.
FBI-ja udhëheq njërin prej disa hetimeve që po kryhen paralelisht mbi pretendimet se Rusia ka ndikuar në zgjedhjet amerikane të vitit të kaluar. Prokurori special, Robert Mueller, i cili kryeson hetimin e FBI-së, u largua nga shtëpia e Manafort me disa “të dhëna të ndryshme”, siç raporton “Washington Post”.
a.ç
