Paralelisht me mënyrën tonë të jetesës dhe ushqimin, grupi i gjakut luan njëashtu një rol të rëndësishëm në trupin tonë. Janë katër grupe të gjakut : A, B, AB, O ndërsa grupi i gjakut formohet që nga formimi ynë brenda mitrës andaj edhe nuk mund të ndikojmë në të gjatë jetës.
Çdo grup i gjakut ka karakteristikat e veçanta të cilat ndikojnë në peshën, sëmundjet madje edhe në personalitetin. Është e rëndësishme se si të dini llojin e ushqimit adekuat në përshtatje me grupin e gjakut, ashtuqë do e përmirësoni shëndetin tuaj.
Grupi i gjakut dhe të ushqyerit
Gjatë tërë ditës, ndodhin reaksione të shumta kimike ndërsa grupi i gjakut luan një rol të rëndësishëm kur bëhet fjalë për tretjen e ushqimit dhe humbjen e peshës. Shembull, rekomandohet që njerëzit me grupin O të gjakut të konsumojnë ushqim të lartë në proteina, mish dhe peshk, ndërsa ata të grupit A të shmangen nga konsumimi i mishit pasiqë perimet janë më të mira për ta. Për më tepër, grupi B duhet të shmanget nga mishi i bardhë dhe të konsumojë më tepër mish të kuq, ndërsa grupi AB do të përfitonte shumë nga ushqimet e detit.
Grupet e gjakut dhe sëmundjet
Për shkak të formacioneve të ndryshme të antigjeneve në sipërfaqe të qelizave të kuqe të gjakut, çdo grup i gjakut është i ndryshëm nga tjetri. Për më tepër, kjo është arsyeja pse çdo grup i gjakut është rezistent ndaj ndonjë sëmundjeje derisa është më i prirë ndaj disa të tjerave. Njohja e karakteristikave të gjakut mund të ju ndihmojë në parandalimin e disa sëmundjeve specifike.
Grupet e gjakut dhe personaliteti
A e keni ditur se grupi i gjakut ndikon në personalitetin tuaj? Shembull, njerëzit me grupin O konsiderohen si ekstravertë, kreativë, të shoqërueshëm dhe përplot vetëbesim.
Për më tepër, njerëzit me grupin A të gjakut janë paqedashës, me mendje artistike dhe të besueshëm. Grupi B janë njerëz që u janë përkushtuar qëllimeve të tyre, janë të fortë dhe të pavarur. Njerëzit me grupin AB janë të besueshëm, turpërohen, janë të përpiktë dhe kanë dëshirë të kujdesen për të tjerët.
Grupi i gjakut dhe shtatëzënia
Është dokumentuar se njerëzit me një grup të caktuar të gjakut kanë më tepër gjasa të ngelen shtatëzënë sesa grupet tjera. Për më tepër, femrat me grupin AB prodhojnë më pak hormone që i ndihmojnë femrat të ngelen shtatëzënë.
Grupi i gjakut dhe stresi
Toleranca e stresit varet nga grupi i gjakut, grupi A prodhon më tepër hormonin e stresit Kortisol. Nëse takoni dikë që është i frustruar dhe i zemëruar atëherë ai me siguri është i grupit O pasiqë ata kanë më tepër adrenalinë dhe ju duhet më tepër kohë që të rikuperohen nga situatat stresuese.
Antigjenët e gjakut
Antigjenët e gjakut nuk janë të pranishme vetëm në gjak por edhe në aparatin e tretjes, nga goja deri në zorrë, madje edhe në hundë dhe në mushkëri.
Grupi i gjakut dhe abdomeni
Disa njerëz nuk shqetësohen për trashjen e abdomenit pasiqë grupi i tyre i gjakut ua garanton se nuk do të kenë probleme të tilla në këtë pjesë të trupit. Njerëzit me grupin A të gjakut i tretin më lehtë karbohidratet andaj edhe nuk kanë stomak të fryrë. Në anën tjetër, grupi O e ka më të vështirë të tretë karbohidratet andaj edhe kanë sallo në stomak.
Grupi i gjakut dhe martesa
Para se të vendosni të martoheni, kontrolloni grupin e gjakut të partnerit tuaj pasiqë në planifikimin familjar disa grupe të gjakut nuk duhet të përzihen. Shembull, grupi A dhe B nuk duhet përzier, sipas RH faktorit ai pozitiv dhe negativ nuk duhet të përzihen. Për shkak të këtyre arsyeve duhet të kontrolloni grupin e gjakut para se të martoheni.
Grupi i gjakut dhe stërvitjet
Pasiqë grupi A është më i prirë për stres, atyre u duhen ushtrime relaksuese sikurse joga dhe meditimi. Për më tepër, grupi B ka nevojë për sfidë të trupit dhe shpirtit andaj u preferohen sporte sikurse ngjitja në male, tenisi dhe artet marciale.
Grupi i gjakut dhe emergjencat
Rekomandohet që gjithnjë me vete të keni informata për emrin, mbiemrin, adresën, numrin e telefonit dhe grupin e gjakut që e posedoni. Në raste të aksidenteve, këto informata mund t`ua shpëtojnë jetën.
a.ç
