Gazetari Artan Hoxha i ftuar në rubrikën “Opinion” në “Neës 24” ka komentuar vrasjen e bujshme të ndodhur dy net më parë pranë spitalit të pediatrisë ku mbeti i vrarë Devi Kasmi. Hoxha tha se kjo nuk është një vijimësi e vrasjeve për hakmarrje midis bandave, por një përfshir je në rrjetin e trafikimit të drogërave të forta jashtë vendit.
“Atentati i 29 janarit ku gjeti vdekjen Devi Kasmi, riktheu ngjarje që kishin kohë që nuk ishin shfaqur. Po të vëmë re në të gjitha rastet e viktimave të ndodhura kohëve të fundit, viktimat sapo kanë qenë kthyer nga jashtë shteti. Dhe dyshimet janë për shkak të implikimit në trafikimin e drogërave të forta në rang ndërkombëtar.
Vrasja e Devi Kasmit nuk është vijim i vrasjeve të bujshme të viteve të mëhershme, pra jo i luftës për rivalitet. Lidhjet e viktimës nuk ekzistojnë në hierarkinë e grupeve kriminale. Aktiviteti i tij është jashtë vendit me trafikimin.
Ekzekutimi i tij është i ngjashme me vrasjen e Franc Konomit, një person bën qitjen, njëri drejton mjetin, janë rrjedhur të njëjtat numër gëzhojash. Pra mund të jetë e njëjta dorë. Është folur për një konflikt që ka ndodhur në Spanjë për shkak të një atentati ku dyshohet, sepse nuk ka hetim të organeve tona, ku Devi Kasmi të ketë kryer një atentat ndaj Domar Konjarit dhe një shokut të tij në Madrit në vitin 2009, ku Konjari mbeti i plagosur dhe shoku i tij humbi jetën. Pra kjo është një nga zanafillat që mund ta lidhë ngjarjen midis vrasjes Devi Kasmit, vrasjes së Franc Konomit dhe përfshirjes së Domar konjarit. Është hera e parë që policia ka dalë në një përfundim të tillë për autorin, tha Hoxha.
