Një aksident ka ndodhur mëngjesin e sotëm në Librazhd, ku një automjet pasi është përplasur me një pemë është përmbysur në rrugë.
Nga aksidenti fatmirësisht nuk ka të plagosur. Gjithçka ka nisur nga parakalimi i gabuar që një makinë bëri në rrugë, duke detyruar drejtuesin e mjetit tip Benz me targa AB 034 BZ, që të devijojë për të shmangur përplasjen.
Kjo ka bërë që ai të dalë nga rruga dhe të përplaset me një pemë dhe më pas të përmbyset në rrugë. Policia vijon hetimet për zbardhjen e plotë të aksidentit, që fatmirësisht nuk pati pasoja në njerëz./ b.h
