Bibliotekat e shkollave 9-vjeçare “Besëlidhja” dhe “Gjergj Fishta” dhe gjimnazit “Hydajet Lezha” janë pasuruar me tituj të rinj librash
Titujt e rinj janë mundësuar nga Ministria e Arsimit, duke plotësuar në këtë mënyre rreth 80% të programit mësimor që zhvillohet në këto shkolla.
Për mësuesit pasurimi i bibliotekës pritet të japë efekte pozitive edhe në procesin e mësimdhënies.
Drejtori i Arsimit në Lezhë Bardhok Pulaj thotë se kjo është një mënyre për të nxitur sa më shumë leximin dhe kjo do të thotë më shumë formim për nxënësit.
Pulaj: Kjo është një bibliotekë që u shërben jo vetëm nxënësve por edhe më gjerë.
Furnizimi i bibliotekave me libra të rinj deklarohet se do të vijojë edhe në shkolla të tjera të Lezhës.
a.cupaj
