Presidenti i Republikës së Shqipërisë Ilir Meta ka reaguar pas vendimit të PE që votoi pro rekomandimit për liberalizimin e vizave për Kosovën, dhënë ditën e sotme nga Parlamenti Evropian.
Përmes një statusi në rrjete sociale Meta e ka quajtur këtë votim mesazh të qartë të perspektivës evropiane.
“Urime Kosovë! Përshëndes vendimin e Parlamentit Europian për t’i hapur dritën jeshile liberalizimit të vizave për Kosovën! Mesazh i qartë i perspektivës së saj europiane! Shumë i gëzuar për këtë lajm të jashtëzakonshëm dhe arritje të madhe të popullit dhe të shtetit të Kosovës, që rritet dhe forcohet çdo ditë si faktor paqeje dhe stabiliteti në rajon!,”-përfundon mesazhi i Presidentit Meta.
