Forcat turke kanë qëlluar në drejtim të xhihadistëve të ish-degës së Al-Kaedës në Siri në kufirin e provincës Idlebit, një ditë pas njoftimit nga ana e Ankarasë së një operacionit të ardhshëm në këtë zonë, bëri të ditur një OJQ dhe dëshmitarë.
Kjo provincë, e vetmja në veriperëndim të Sirisë që i ka shpëtuar regjimit të Bashar al-Assadit është nën kontrollin në pjesën më të madhe të saj nga grupi Fateh al-Cham, i njohur në të kaluarën nën emrin e Front al-Nosra. Kjo organizatë dominon koalicionin xhihadist Tahrir al-Cham që presidenti turk, Recep Tayyip Erdogan kërkon t’a dëbojë nga provinca me ndihmën e rebelëve sirianë.
Të dielën në mëngjes, luftëtarë të Tahrir al-Cham kanë qëlluar me armë zjarri në drejtim të trupave turke që shkatërruan një pjesë të një muri që ndan Turqinë nga provinca siriane e Idlebit, theksuan dëshmitarë dhe Observatori sirian për të Drejtat e Njeriut (OSDH).
“Një grup i Tahrir al-Cham hapi zjarr ndaj një automjeti që po shkatërronte një pjesë të murit, dhe palaturke është kundërpërgjigjur duke bombarduar zonën”, tha për median një dëshmitar në kufi në kushte anonimati./b.d
